تعيش الدارجة المغربية الرصينة بين العربية الفصحى واللسان الأمازيغي الأصيل، فهي ابن شرعي لهاتين اللغتين العظيمتين. ومن رحم هذا التفاعل صنع الأجداد “الدارجة المغربية السمحة. والمفارقة أن التعبير الإبداعي بالدارجة في صيغة زجل يعد أصعب من التعبير بالأمازيغية أو الفصحى، رغم أن الدارجة هي لغة اليومي لدى عامة الشعب المغربي. نعتبر الدارجة تعبيرا عن العبقرية المغربية، وننشر هذا “الكلام الرباعي” في ركن “فوانيس “ بموقعنا تكريما لها ولروادها مثل عبد الرحمان المجذوب و لكل من ساروا على دربه الصوفي الروحاني الجميل.
كتبها: محمد بن توزالت
يلا بغيتي تقول الحق فرش ليه الزواق
ويلا بغيتي تقول الحق سبق ليه النفاق
اسمع يا غافل يا تايه يا قاري لوهام
عندك تغفل او يغرك الشيطان
****
لا تقول هذا قاري هذا عالم وياك من الطغيان
لا تقول هذا عالم محال يصدر منو الجهل هذا بهتان
لتقول هذي غير لميمة محال يقسى قلبها عل الصبيان
والى شكيتي الزمان يوريك البرهان
****
لا تقول هذا سياسي فاهم واعي محال يكون ظلمان
راهم يعطيوك شوية من الحقيقة ويقطعوا ليك راس الخيط
الى تكرموا عليك بشوية عرف راه من الحق اللي داو ليك
مالك يا هاد العبد شوف أو حُل عينيك؟
****
فكر فهموم الدنيا تبان ليك همومك وحدك أوهام
مالك مهموم أوحزين على صباغة
دابا الزمان يكشفها ليك
اضحك والعب واسخر دابا الهم يفوت
****
ياك قالوا الولين: يلا الدنيا غلباتك بالطمع واتيها بلقنع
راها تجيك برجليها وتزاوك فيك
شوف أوحل عينيك مزيان راه فهاد الزمان كلشي بان
وياك اتيق خرفان بلا كرون راهم معدلين وراثيا
****
ايبيعو ليك ورد مسموم فبرارك مقفورة
اويصيفطوك جيعان اوحفيان
يا هاد العبد حل عينيك مزيان ابان ليك البرهان
صاحب المجانين وخلي عليك الي تيدعاو بالعقل
****
راه الدنيا مقلوبة ولات ..خودها بالمقلوب تفهم الأمور
الراجل اخوا لبلاد قالو مشى يجيب
ارجع صاب اللي خلا مسكين الله ايجيب
يا هاد العبد حل عينيك مزيان وفحبل الله المتين شد مزيان
راه يلا تقطعو كاع لحبال يبقى حبلو تعالى رافع عليان
