الشاعر “ولد لجواد”
أنا أنا… يانا
ومكاين غير أنا
دارت الدورة
سرسرات المكانة
أنا لبرا والمخيط
وريوني ديك التقبة
لا تنساوني فالعوانة
فين هو لعسل؟
راني باقي نحلة
في لفريسة؟
راني أكبر دبانة
أنا أنا يانا
ومكاين غير أنا
==
أرو دوك الأصوات
عتقوني يا خوتي
ضربو علي تمارة
خلاصكم في شكارة
بغيت نكون الفوق
ديما فجطيوة
ما نطيح ما نتكردح
ما نكون “اعليوة”
==
عتقو يا ناسي
دخلت عليكم
بكل زغبة في راسي
وكل جغمة في كاسي
وكل كلمة فكتابي
ها عار لبزيزيلة
يا صحابي وحبابي
ها احجر ” قاسم”
الانتخابي
أنا أنا يانا
ومكاين غير أنا
