شاعر البادية الملقب بـ “ولد لجواد”
الدراري صبروا
الدراري كبروا
الدراري هضروا:
إصابة إصابة
بغينا حقنا دبا
اصابة إصابة
لا طربوش لا جلابة
ركبي وكسيري
هذا تراكتورنا
ماشي خماس
فيرمة النصابة
فاق العساس وقال:
واش كنحلم..؟
واش مشات
يام الباكور والمشماش
وسالات يام الجلابة؟
واش اعيا..
المخزني والشواش
وهربوا اللعابة؟
****
أشتا تاتا…نار نار نار
احنا ولاد وبنيات الجرار
واجدودنا حراثة
عيينا من اشطيج
عيينا من ارديح
عيينا من انبيح
ما بغينا نطيح..
غير يتبع.. المشماش
دوك لي سبقوه بثلاثة
****
قال عباس لبوراس:
هدشي تفرش وحماض
ولكرمومة فارقت العلافة
حصلنا مع ولاد بوقنب
الحصادة والحواتة
جاوب بوراس صاحبو عباس:
خصنا اجتماع موسع
بشوية بلاما تخلع
نديرو ليهم القالب
لي كيصدق ديما
نرشو هوك أهوك
ومن بعد ينعسوا
ترجع احليمة
لعادتها لقديمة
****
لكن دراري ما تاقوا
كبروا اليوم وعاقوا
وقالوا لديك الرباعة:
الفسا ما يفك من موت
والعصيدة مشي صيكوك
نزلوا خلاص ألخوت
كثرتو من لبروك
حنا شباب ماشي فزاعة
اشتا تتا تتا
حنا ولاد الجرار
وبواتنا حراثة
حنا ولاد لبلاد
في البر ولبحر
واجدودنا حواثة
****
حنا ولاد المغريب
كفاحنا ماهو غريب
والنضال بدمنا صامد
ينزل من حزبي
كل منهو فاسد
كل منهو حاقد
كل مهنو سارق
كل مهنو مارق
كل منهو عيان
كل منهو طقعان
****
سالات يام الشعوذة
مات السحار
وبرد لبخور
سالات يام لكذوب
مات النجار
ومات الشجر
وطاح البكور
وخمج الليمون
سالات ايام الوصي
وكلشي فيد الله
ولي تلف
يطلع للجبل
ويعلن الشراكة
طار الطلاميس
تحلوا لعقول
وتفتحوا لعيون
وبدات المعركة
نوض خوذ حقك
بيدك وعقلك
مشات يام الخوف
وماتت الهرماكة
لا وعود
لا كذوب
لا زرقلاف
بلادي بغات المعقول
كبرت
وبالوصي كفرت
وبيدي غنصيد
ديك السمكة
WWW.ACHAWARI.COM
